萧华：篮网证夺冠无捷径 本届全明星全为科比

Волф?ан? Амадеус Моцарт
Особни податки
Полне мено	Йоганес Крисостомус 百度 市属各区（含经济技术开发区）、集团总公司及其他相应单位实施的重点人才工程中创新创业成效突出的入选人，可申请办理人才引进。 Волф?ан?ус Теофилус Моцарт
Датум родзеня	27. януар 1756.рок
Место родзеня	Салцбур?, Святе римске царство
Датум шмерци	05. децембер 1791. рок (35 р.)
Место шмерци	Беч, Святе римске царство
Период твореня
Период	класицизем
Под впл?вом	Леополд Моцарт Йоган Кристиян Бах
Впл?вовал на	Фредерик Шопен Франц Шуберт Петар Ил?ч Чайковски Роберт Шуман
Подпис

Волф?ан? Амадеус Моцарт (н?м. Wolfgang Amadeus Mozart, кресцени: Йоганес Крисостомус Волф?ан?ус Теофилус Моцарт; Салцбур?, 27. 01. 1756 - Беч, 5. 12. 1791) бул австрийски композитор и пияниста, ?ден зоз найзначн?йших и найупл?вн?йших шветових композиторох класичней музики.

Моцартова робота и його д?ла, хторих ?ст прей? 600 залапюю такп. шицки жанри його часу уключуюци симфони?, концерти, камерну музику, композици? за клавир, оперски и хорски композици?.

Од свойого вчасного дзецинства у Салцбур?у, Моцарт указу? вин?мково схопносци граня на клавиру и на виолини. Кед мал ище л?м пейц-шейсц роки його компонован? и наступи були почитовани и уважовани з боку европского дворянства и аристокраци?. Кед наполн?л 17 роки достал роботу на двору у Салцбур?у. Медзитим одрастал н?спокойни и н?задовольни, часто путовал гл?даюци л?пше положен?, ал? цали час активно компоновал. Под час нащиви Бечу 1781. року, после доставаня розтаргнуца роботи на двору, одлучел ше одсел?ц до Бечу у хторим позн?йше здобул репутацию-славу. Интересантне же Моцарт остал у Бечу до конца свойого живота, без огляду же преходзел през чежки финансийни стан и кризи. Остатн?х рокох свойого живота компоновал вельо познати д?ла, вельке число симфонийох, познати концерти, опери, и його остатн? д?ло, Рекви?м. Обставини под хторима умар спричин?ли вельо интри?и-шпекулаци?, и подзвигли Моцарта на уровень ле?енди (мита).

Био?рафия и вчасне дзецинство

Музей у Салцбур?у, будинок дзе ше Моцарт народзел.

Моцарт народзени 27. януара 1756. року у Салцбур?у у н?шкайшей Австри?, теди главним варошу н?зависней надбискупи? римского царства. Бул наймладши син Леополда Моцарта. Волф?ан?ова мац була Ана Мария Пертл. Оцец Леополд бул музичар хтори робел (бул капелмайстор) за принца архиепископа Салцбур?а, компоновал з часу на час поручени композици?, бул искусни учитель Пре вельочислене умеран? дзецох у Европи од седмерих дзецох зоз малженства прежила л?м старша шестра Мария Ана наволана Нанерл и Волф?ан? Амадеус. Прето Волф?ан? Амадеус кресцени такой дзень после родзеня, у катедрали св. Руперта зоз меном Йоган Хризостом Волф?анус Теофилус Моцарт.

Моцартова схопносц и надареносц за музику була обачена кед мал л?м даскельо роки. Його оцец Леополд унапрямовал малого Моцарта од малючка до швета музики. Научел го грац на гушл? (виолини) и клавиру, а тиж и його шестру Марию Ану. Понеже Моцарт вин?мково швидко учел, свойо перши композици? написал кед мал пейц роки. Оцец Леополд му бул источасно и учитель и родитель, ал? цали час бул свидоми же Волф?ан?а потребно и же го муши формовац и як чловека ал? и як уметн?ка.

Моцарт после родзеня та по свойо 17 роки жил и препровадзел тот час у ул?ци Getreidegasse, число 9 у Салцбур?у. Н?шка ше у тей хижи находза и чуваю вельо предмети-експонати, окреме инструменти зоз Моцартового дзецинства. То ?дно зоз найнащивенших местох у Салцбур?у и представя прибежище за музичарох и музичних любительох (фанох) цалого швета.

Роки путованя (1762—1773)

Леополд швидко похопел же може пол?пшац фамелиярни финанси? кед почн? представяц свойого сина европскей аристокраци? на дворох як ?чудо од дзецка”. Моцарт и його шестра Мария Ана-Нанерл у старосци буду витримовац свойого оца. Краткотирваци турне? по три-штири тижн? у Минхену у януару 1762. року були л?м увод до вельо длугших путованьох. Таки успихи спричин?ли же би ше длужей затримали у Бечу зоз обовязнима музичнима наступами у империялистичним дворе, зоз велькодушним пен?жним надополн?ньом. За мен?й як мешац пребуваня у Бечу, Леополд Моцарт уложел 120 златни дукати до сво?й салцбуржскей банки, а то було вельо вецей як дачий дворочни заробок.

Заш л?м тоти турне? штирочленей фамели? Моцарт, остали у циню наспрам тих цо тирвали три роки у иножемстве од юния 1763. по новембер 1766. року. Велька часц турне? прешла зоз длугшим затримованьом у значних музичних штредкох, пейц мешаци у Паризу, 15 мешаци у Лондону . Кед ше врацали заш три мешаци остали у Паризу а тиж часто ше затримовали у н?мецких и голандских варошох. Були то длугоки и вичерпююци турне?. Слава дуета брата и шестри постала позната по заходней Европи. На тот способ достали можл?восц указац вельку надареносц и схопносц музикованя, указац их шарм и пребарз вчасне розвите музичне майсторство.

Моцарт свою першу симфонию написал кед мал осем роки. Можл?ве же його оцец записал найвекшу часц музичного змиста хтору Моцарт задумал и креировал. Оцец Леополд зоз сво?ма дзецми Моцартом и його шестру Марию Ану-Нанерл (тиж пиянисткиня) часто путовали до векших городох по Европи зоз цильом векшого заробку, н? нательо ше стараюци о здравю дзецка. Пре таки длуги путованя у кочох, у н?вигодних жимних условийох, можл?ве же позн?йше у живоце упл?вовало на здравствене Моцартово стан?.

У чаше кед ше формовал як музичар, Моцарт зоз свою фамелию, даскельо раз путовал по Европи. Пребувал на дворох у Баварскей у Минхену, австрийским царским двору у Бечу, длуги путованя до Мангайму, Паризу, Лондону, Га?у, Цириху, и назад заш до Бечу. У каждим з варошох у хторим пребувала фамелия Моцарт набизовно знала же достаню поволанку за наступи од тутейших локалних владарох, велможох-дворянох и богатей аристокраци?. Найчастейше после ?дного наступа доставали поволанки за вел? шл?дуюци. Чувствовали ше почитовани и як вин?мково уметн?ки.

Моцартова фамелия (Мария Ана -Нанерл, В.А.Моцарт, Леополд Моцарт. Малюнок на муре-Ана Мария)

Таки ?х успихи були попровадзени зоз велькима аплаузами, и симпатиями исто як и за вин?мково уметн?ки того часу, гоч Моцарт теди мал л?м 10 роки. Пре таки причини одкладали врацан? до Салцбур?у у хторим би ше н? чувствовали так як по Европи. Чувствовали Салбур? як ?хмураву”, набурену и н?яку перспективу як пен?жно так и дружтвено и емотивно. Оцец Леополд у Салцбур?у бул л?м слуга, поставал н? барз плацени и вше мен?й познати як музичар-учитель. Кед ше врацели до Салцбур?у, Моцарт теди наполн?л л?м 10 роки ал? бул уж познати искусни виводзач –инструменталиста и композитор.

На сво?х путованьох Моцарт стретал вел?х познатих музичарох и упознал ше зоз ?х познатима значнима д?лами. Медзи другима найвизначни були Геор? Фридрих Гендл, Йозеф Гайдн и Йоган Кристиян Бах, хтори на ньго охабели вельки упечаток и тоти музичаре мали упл?в за дальшу музичну роботу и уметн?цки живот кед ше стретли у Лондону 1764. и 1765. року. Фамелия 1766. року ознова одходзи до Бечу и там оставаю по децембер 1768. После ?дного року пребуваня у Салцбур?у Леополд и Волф?ан? одходза до Итали? а мацер и шестру охабяю дома. Тото путован? тирвало од децембра 1769. року по марец 1771. Як и предходни путованя так и тераз мали исти циль, приказац схопносци младого ле?иня - виводзача и композитора.

Путован? до Итали?

Фамелия Моцарт, концерт у Паризу. (малюнок Л. К. Кармонтелия)

Моцарт у сво?х узретших рокох почал путовац сам без фамели?, зоз истим цильом. З ?дней такей нагоди одпутовал и до Итали? и варошох  Болоня, Милано, Рим и други городи  (од 1770.  по 1773.). Дзе ?од путовал Моцарт и компоновал. У Итали? у кол?ски уж добре розвитих музичних напрямох и музичних кругох, упознал и музичну форму оперу зоз хтoру ше одушевел. У Итали? викомпоновал даскельо початн?цки опери: Митридат, Краль Понта,  У Милану компоновал и виведзена Аскения у Алби (1771. року) потим Лучио Силе (1772).  Пред кон?ц свойого пребуваня по Итали?, Моцарт написал мотет Exsultate, jubilate, ч.165 хтори ше и н?шка часто виводзи. Тиж обачел д?ла познатих особох н? зоз швета музики, як цо скл?няна гармоника  Бенджамина Френклина (америцки науковец и пренаходзач) за хтору написал даскельо композици?.

Його оцец Леополд ше наздавал же тоти нащиви по Итали? оможл?вя  Моцартови достац  роботу  композитора, ал? тоти жаданя ше му н? витворели. У Итали? викомпоновал  ище даскельо д?ла хтори ше виводзели на концертох.

Моцарт на двору у Салцбур?у (1773—1777)

Року 1773. Моцарт ше врацел назад до Салцбур?у и достал ста?мну роботу як дворски музичар владарох Салцбур?а  на двору принца надбискупа Х?роминуса Колореда.

Моцарта як композитора и клавиристу барз любели у дружтву,мал вельо любительох и прихильн?кох. Ту мал нагоду упознац и компоновац вельо жанри музичних формох - симфони?, сонати, квартети за струново-смиково инструменти, серенади и даскельо по обсягу менши опери. Да?дни д?ла зоз того периоду виводза ше и н?шка. Поготов ше усовершел у писаню такв. виолинских кончертинох хтори написал барз вельо, а остатн? три (К 216, К 218 и К 219) тераз основа його музичного репертоара. Року 1776. унапрямел свойо моци же би викомпоновал и клавирски кончертина а найзначн?йши му кончертино у Ес-дуру К 271 зоз 1777. року. Критичаре прецен?ли же то було преобрацен? у Моцартовей музичней роботи и кари?ри.

Попри уметн?цких успихох Моцарт н? бул задовольни у Салцбур?у, медзи иншим и пре н?зку плацу 150 форинти рочн?, ал? и пре жадан? же би писал и составял и виводзел опери а у Салцбур?у н? мал вельо нагоди за таке подняце. Стан? ше погоршало кед робота 1775. року у театру зошицким замарла.

Два длуги експедици? за гл?дан? роботи  (Леополд и Волф?ан? в?дно гл?дали) претаргли  пребуван? у Салцбур?у; и нащивели Беч 14. юлия по 26. септембер 1773. и Минхену од 6. децембра 1774. по марец 1775.  Ан? ?дна нащива н? прин?сла резултати за доставан? новей роботи, ал? путован? до Минхену прин?сло успишне перше виводзен? його опери Фалшива заградарка.

Пребуван? у Паризу (1777—1778)

Моцарт  бул и дал?й н?задовольни зоз пребуваньом у Салцбур?у, сцел индзей гл?дац роботу, сцел барз компоновац опери и жадал же би були виводзени у векших варошох. Теди наставали и н?повольни дружтвени пременки и векши преврати/преобраценя у держави, та гоч дзе да пошол н? удало му ше стабилизовац  свой живот. У ав?усту 1777. року Моцарт претаргнул роботне одношен? на сво?й позици? у Салцбур?у  и ришел ище раз рушиц гл?дац роботу  у Европи. Одпутовал до нащиви Ау?збур?у, Мангайму, Паризу и Минхену. Понеже надбискуп Колоредо н? допущел Леополдови  одсуство и же би одпутовал, Моцарта на тим путованю провадзела мац Ана Мария. У Мангайму упознал музичарох и теди найл?пши оркестер,  ал? вигляди за роботу були безуспишни. Одпутовал  14. марца до Паризу дзе му понукнута робота  ор?уляша у Версаю, ал? вон понукнуце одбил и н? бул за таку роботу заинтересовани. Задлужел ше, так же мушел аж розпредавац и свойо драгоциносци. У медзичаше умарла му мац у юлию 1778. року.

Док бул Моцарт у Паризу його оцец Леополд енер?ично гл?дал можл?восц за Моцарта и його врацан? назад до Салцбур?у. Зоз потримовку локалного дворянства удало му ше обезпечиц л?пшу роботу синови як дворского ор?уляша и концертмайстра. Рочни приход би му бул 450 форинти, ал? тото роботне место  Волф?ан? н? з дзеку  прилапел. Моцарт напущел Париз у септембру 1778. и скорей врацаня до Салцбур?у по другираз нащивю? Мангайм и Минхен, затримуюци ше длужей и наздаваюци ше же ту достан? роботу, а н? у Салцбур?у. Случело ше же ознова стретнул оперску шпивачку Алойзию, хтора н? була барз успишна шпивачка и ясно му дала до знаня же ? вецей н? заинтересована за ньго.

Моцарт ше кон?чно врацел дому 1779. року, достал нову роботу ал? и дал?й бул н?спокойни и н? находзел свой нукашн? мир.

Моцарт у Бечу (1781—1791)

Моцарт, Салцбур? 1777. р (малюнок, копия за П. Мартиния, находзи ше у Музею интернационалней библиотеки музики у Болон?).

У януару у Минхену Моцартова опера Идоменей преми?рно успишно виведзена.

Нова драга го знова водзи до Бечу. Композитор у марцу бул поволани до Бечу, дзе його подн?матель, надбискуп Колоредо, присуствовал на преслави ступаня Йозефа II на австрийски пристол. Моцарт, пон?шени зоз славу и популарносцу хторе здобул у Минхену, бул увредзени же го Колоредо третира як звичайного  слугу, а окреме кед му надбискуп н?дошл?бодзел  грац пред царом и у ?рофици Тун за пен?жнe нaдокнадзен? хторе було половка рочней плаци у палати у Салцбур?у. Тото приведло до звади и конфликтох хтори  кулминовали у маю, и после того Моцарт одпущени на барз пон?жуюци способ. Медзитим, у Бечу, Моцарт постал свидоми даяких богатших можл?восцох, и прето одлучел же би там предлужел жиц як шл?бодни виводзач и композитор.

Звада и конфликти зоз надбискупом були чежки и пре тото же його оцец н? приставал ?у ньому. Леополд  писал свойому н?послушному синови Волф?ан?ови  пар раз интензивни писма у хторих го модл? же би ше помирел зоз сво?м подн?мательом, наздаваюци ше же ше Моцарт враци до Салцбур?у. Медзитим, Волф?ан? страстно и оштро бран?л свою намиру же би предлужел самостойну кари?ру у Бечу. Розправа ше закончела так же Моцарт бул змен?ни а источашн? бул ошл?бодзени од вимогох н?милосердного подн?мателя и прей?мирно застараного  оца. Моцартов  био?раф  Соломон видзи його розтаргнуце як ?револуцийни крочай”  хтори барз вимен? дальши цек його живота.

За Моцарта  1782. рок бул успишни за його кари?ру. Наступал як пияниста, а поготов важне було його змаган? зоз музичаром Музийом Клементийом пред царом 24. децембра 1781, а пошвидко бул припознати за ?найл?пшого клавиристу” у Бечу. Тиж його опера ?Одн?ман? зоз Сарая” посцигу? популарносц и успихи, так же достал и нагоду отримац вецей концерти на хторих грал свойо д?ла и представел ше як значни композитор и виводзач инструменталиста.

Року 1782. у ав?усту Моцарт ше ожен?л зоз Констансу Вебер процив дзеки свойого оца. Вон и Констанса у малженству мали шесцеро дзеци ал? л?м двойо остали у живоце: Карл Томас (1784-1858) и Франц Ксавер Волф?ан? (1791-1844). Ан? ?ден  з н?х н? засновал фамелию и самим тим н? було потомкох.

Моцарт 1784. року постал член масонох и теди му ище баржей живот постава боемски и финансийно худобн?йши. Нагварял и свойого оца же би ше приключел до тей тайней ор?анизованей ?рупи ал? оцец Леополд н? пристал. Оцец му умар 1787. року. Моцартова  остатня опера Чаривна пищалка (Die Zauberfl?te), у сво?м змисту вельо опису? шл?бодни-масонски теми и але?ори?. Живот му постал загорчени и очежани зоз финансийнима почежкосцами и зоз хоротами. Чежко заробени пен?ж такой н?контроловано трошел на екстрава?андни живот и поставал вше хорйовитши.

Моцарт 1786. рок препровадзел  у Бечу, у квартелю. У тим чаше написал ище два опери Фи?арова жен?дба  (Le Nozze di Figaro) и остатню ?Чаривна пищалка.” До конца живота жил у Бечу у квартелю хтори ше може и н?шка нащивиц у ул?ци Domgasse 5. хтори ше находзи за катедралу  Святого  Стефана. Кед умар мал л?м 36 роки.

Моцартов рукопис, Рекви?м (часц Dies Irae)

Н? зна ше точно  од чого Моцарт умар. Урядова причина-дия?ноза л?карох hitziges Frieselfieber  преклад:?екстремна горучка зоз осипом по целу у виду зарна проса”. Таки запис баржей представя опис симптому, а н? дия?нозу. Бешедовало ше о вецей причинох Моцартовей шмерци: регоматска горучка, стрептококова инфекция, трихинелоза, ?рипа, трован? зоз стриблом, аж и поремецене функционован? покруткох.

Хован? було скромне и н? одражавало  популарносц  ?дного композитора. У Бечу и Праги  його шмерц означени зоз концертами як знак здогадованя на Моцарта. Тоти концерти були барз нащивени. Його слава почала вше баржей роснуц после шмерци и вельо його био?рафски податки попризначовани и швидко позберани д?ла хтори и обявйовани пре вельку заинтересованосц людзох, и погл?дован? поготов музиколо?ийних податкох о Моцартови.

Волф?ан? Амадеус Моцарт бул барз плодни композитор. Його опус облапя коло 600 д?ла найрижнородн?йших жанрох и музичних формох:

•  симфони? найпознатши  Паризска,  Гафнер, Линц, Пражска, Симфония число 40 и Юпитер;

Симфония ч.40 g-mol 1. став, Molto Allegro

Симфония ч.40 g-mol 2. став, Andante

Симфония ч.40 g-mol 3. став, Menuetto, Allegretto-Trio

Симфония ч.40 g-mol 4. став, Allegro assai

• клавирски концерти — найпознатши  число 21, ч. 25 и ч. 26;

• виолински концерти — найпознатши  число. 3 и число. 5;
•  клавирски сонати — найпознатши число 11 л?бо Турски марш;

• виолински сонати;
• смиково квартети — найпознатши  Гайдн квартети;

• смиково квинтети;

• серенади — найпознатша Мала ноцна музика;

• опери — найпознатши  Одн?мн? зоз Сарая, Фи?арова жен?дба,  Дон Дьовани, Так робя шицки  и Чаривна пищалка;

• миси — найпознатши  Корунована миса  (Крунидвена миса) и Велька миса;

• н?докончени  Рекви?м

Музей

Будинок - хижа дзе ше народзел Волфган? Амадеус Моцарт од 1880. року, претворени до музея.

Будинок збудовани у 12. вику, на поверхносци хтора була часц загради бенедиктинских монахох Святого Петра у Салцбур?у. Спомина ше же тар?овец Ото Кеутзел, бул власн?к 1408. року, а Чунрад Фрешмозер, дворски апатикар, купел ма?ток 1585. року. Посто? жридло на дзверох; скруцени гад  у устох л?ва, симбол Асклепия, хторе ище вше шведочи о ?х власн?цстве. Року 1703. Хижа постала  власн?цство фамели? Ха?енау?р хтора ше досел?ла до Салцбур?у коло 1670. року. Вокраци, медзи н?ма були Йозеф Матин Ха?енау?р и Йоган Лауренц Ха?енау?р хтори постал Моцартов жемовласн?к (?азда).

После  винчаня зоз Ану Марию Пертл 21. новембра 1747. року, Леополд Моцарт закупел квартель на трецим поверху (кухня, мали кабинет, дньово простори?, кондзеларию-уряд). Там бивали, там им була адреса по 1773. рок, У тим будинку ше им народзели седмеро дзеци. Прежили л?м двойо, Мария Ана и Волф?ан? Амадеус. Леополд Моцарт бул н?престално у контакту прей? писмох зоз сво?м жемовласн?ком-?аздом под час длугих турнейох Моцартовей фамели? медзи 1763. и 1766. року. Медзитим 1773. року Моцартова фамелия ше висел?ла зоз просторийох у хторих бивлали ?ден длугши период.

Музей упознава нащивительох прей? документох и експонатох зоз вчасним животом композитора, зоз його першима музичнима инструментами, приятелями и страствену заинтересованосц за оперу.

Перши поверх реплициру? условия живота Моцартового часу зоз стилским мебльом, приказани и други експонати. Ори?инални документи и слики илуструю його живот у Салцбургу.

На другим  поверху жридла о  Моцартовом интересованю за оперу, ту клавикорд на хторим компоновал Чаривну пищалку.

На трецим поверху виложени Моцартова перша виолина, чембало зоз дециньства, та портрети, документи, фамелийни писма и вчасни виданя його музики-композицийох. Постоя и записи о його живоце у Бечу и о його супруги и фамели?. Вел? други експонати у музею н?докончени; Моцартово портрети хтори намальовал Йозеф Лан?, ?х жец 1789. року (то ?ден зоз Моцартових упечатл?вих портретох), слики зоз його дзецинства итд.

Цали комплекс музея зоз структуру, припада власн?цству Моцартовей фондаци?.

?алерия

• 
  Талантовани хлапец Моцарт 1763-64. рок
• 
  Талантовани хлапец Моцарт 1763-64. рок
• 
  В. А. Моцарт 1772. рок
• 
  В. Амадеус Моцарт (малюнк Йозеф Лан?е)
• 
  Плоча поставена на чесц Леополду Моцарт и В. Амадеусови Моцартови
• 
  Плакета поставена на чесц Моцартови у Паризу
• 
  Задужбина Или? М.Коларца, програм концерта пошвецени В. Амадеус Моцартови
• 
  Портрет Констанци Вебер (1762-1842), супруга В. А. Моцарта
• 
  Синове В. А. Моцарта и Констатнци Вебер-Моцарт: Карл Томас (на правим боку) и Франц Ксавер (на л?во) (малюнок Ганса Гансена, 1800. рок)
• 
  Моцарт на поштанскей марки Молдави?
• 
  Моцартова статуа на площи бл?зко театра Редута у Брну
• 
  моцартов памятн?к у Бечу
• 
  Моцартов клавир на хторим грал 1787. року у Праги (Музей Чешскей)
• 
  Резиденция фамели? Моцарт у Салцбур?у, Аустрия. Будинок очкодовани у Другей шветовей войни, реконструовани ? по оригиналним плану и отворени 1996. року за нащивитльох.
• 
  Мария Ана, Моцартова шестра (малюнок Лоренцония)

Литература

• 'Mannheimer Schule' – ein Zentrum der vorklassischen Musik und Mozartоригинала
• Вейс Д. Возвышенное и земное: Роман о жизни Моцарта и его времени. (рос. пер. з англ.) М., 1997. (руссийски язик)
• Чигарева Е. Оперы Моцарта в контексте культуры его времени. М.: УРСС. 2000. (русийски язик)
• Штейнпресс Б. С. Последние страницы биографии Моцарта // Штейнпресс Б. С. Очерки и этюды. М., 1980. (русийски язик)

•  Abert, HermannCliff EisenYale University PressISBN978-0-300-07223-5OCLC70401564

•  The Philosopher's Stone: Essays in the Transformation of Musical StructurePendragon PressISBN978-1-57647-010-7OCLC466918491

•  Braunbehrens, Volkmar ISBN978-3785705803

•  Deutsch, Otto ErichMozart: A Documentary BiographyPeter BranscombeEric BlomStanford University PressISBN978-0-8047-0233-1OCLC8991008

• Mozart, LeopoldAnderson, EmilyMacmillan ISBN978-0-393-02248-3OCLC594813

Вонкашня вяза

• Музей, Моцартово родне место You Tube kanal (видео зн?мок)
• ,,GOLDEN SPUR” TO WOLFGANG AMADEUS MOZART. 18 вересня 2010. Процитовано 13 грудня 2010.
• Вольфганг Амадей Моцарт. web. archive.org
• Едвард Радз?нський. Дек?лька зустр?чей з пок?йним паном Моцартом. преклад (укра?нски язик)

• Волф?ан? Амадеус Моцарт, Фото?рафи? Волф?ан?а Амадеуса Моцарта на викиодлоги

• Волф?ан? Амадеус Моцарт, Аудио записи Волф?ан?а Амадеуса Моцарта на викиодлоги